پاکستان نیوی نےساحل سےبحری جنگی جہازوں کو نشانےبنانےوالےمیزائلZarbکی لانچنگ کاکامیاب تجربہ کرلیا

ترجمان پاک بحریہ کے مطابق ضرب میزائل کو ساحلی علاقے سے فائر کیا گیا جس نے سمندر میں اپنے ہدف کو کامیابی سے نشانہ بنایا،،، چیف آف دی نیول سٹاف ایڈمرل محمد ذکا اللہ کا کہنا ہے کہ ضرب میزائل کے کامیاب تجربے سے سے پاکستان نیوی کے جنگی اثاثوں اور صلاحیتوں میں قابل ذکر اضافہ ہوا ہے۔ نیا میزائل سسٹم پاکستان نیوی کی حربی صلاحیتوں میں اضافے کی کاوشوں کا حصہ ہے۔ ایڈمرل ذکاءاللہ کا مزید کہنا تھا کہ ضرب میزائل کا کامیاب تجربہ پاک نیوی کی حربی تیاریوں کی مہر اور سند ہے، جو ملکی بحری سرحدوں کے دفاع کو مزید مضبوط بنانے میں اہم قدم ہے۔ اس موقع پر نیول چیف اور ڈپٹی چیف آف نیول اسٹاف آپریشنز نے میزائل کے کامیاب تجربے میں شامل تمام افراد کی کوششوں کو سراہا، انہوں نے میزائل بیٹری کے عملے کو بھی مبارک باد پیش کی ہے۔