وزیر اعظم نے واہ میں اپنی مادر علمی پریزنٹیشن کانونٹ ہائی سکول کے دورہ کے دوران گفتگو کرتے ہوئے کیا۔ انہوں نے کہا کہ تعلیم معاشرہ میں مثبت تبدیلی لانے کیلئے اہم کردار ادا کرتی ہے۔ وزیراعظم نے اپنی مادرعلمی کے 1957ءسے 1963ءکے ابتدائی سالوں کو یاد کرتے ہوئے بتایا کہ وہ 6 سال کی عمر میں ایک بورڈنگ طالب علم کے طور پر سکول میں داخل ہوئے تھے۔ انہوں نے نہایت اشتیاق سے ماضی کے بیتے گئے ایام کا ذکر کرتے ہوئے بتایا کہ سسٹر جیمز جو کہ اپنی سخت گیری کی وجہ سے معروف تھیں، نے انہیں ان کی صلاحیتوں کی بدولت ڈبل پروموشن دی۔ انہوں نے کہا کہ سوات کے دور دراز علاقے سے تعلق ہونے کی بدولت وہ سال میں صرف دو بار اپنے آبائی علاقہ جاتے تھے اور ان کا اپنے خاندان کے ساتھ رابطہ مہینے میں ایک بار خط کے ذریعے ہوتا تھا۔ انہوں نے طالب علموں سے کہا کہ جب وہ سکول چھوڑ دیں گے تو وہ اس وقت کو اپنی زندگی کے بہترین وقت کے طور پر یاد کریں گے۔ انہوں نے اس موقع پر اپنے اساتذہ کو خراج تحسین پیش کیا اور کہا کہ سختی کے باوجود وہ اپنے اساتذہ جنہیں سسٹرز کہا جاتا تھا، کا بے حد احترام کرتے تھے۔ انہوں نے اس اعتماد کا بھی اظہار کیا کہ آج کے اساتذہ بھی ادارہ کے ان اعلیٰ معیارات کو برقرار رکھیں گے جو اس ادارہ کی پہچان ہیں۔

بھارت کا روس سے سستا تیل خرید کر عوام کو ریلیف,عمران خان شہباز حکومت پر برس پڑے