گنے کا رس گردوں کے لئے فائدہ مندہے۔ ماہر طب
گنے کا رس گردوں کے لئے فائدہ مندہے اس سے گردوں کی پتھری کے امراض کے علاج میں مددملتی ہے جبکہ گردوں کے افعال میں بہتری آتی ہے۔ان خیالات کا اظہار فاضل طب الجراحت معروف حکیم میاں لیاقت احمدعلی نے کیا۔انہوں نے کہاکہ گنے کا رس جگرکو مضبوط کرتاہے اوریرقان کے علاج میں معاون ثابت ہوتاہے۔گنے کا رس کاربوہائیڈریٹس‘پروٹینز‘ آئرن‘ پوٹاشیم اور دیگرغذائی اجزاءسے بھرپور ہوتاہے جوکہ اسے اچھا انرجی ڈرنک بنانے کےلئے کافی ہے خصو صاً گرمیو ں میں ایک گلاس ٹھنڈا رس جسمانی توانائی کو فوری بحال کرتاہے‘یہ ایسا پلازما اور جسمانی سیال بناتاہے جوگرمی سے جسم میں آنیوالی خشکی اور تھکاوٹ کو دورکرنے میں مدددیتے ہیں‘گنے کا رس ایسے منرلزسے بھرپورہوتا ہے جو دانتوں کی فرسودگی اورسانس کی بو کی روک تھام کرتے ہیں۔
