کشمیر میں بھارتی فورسز کا سرچ آپریشن، تین کشمیری شہید
سری نگر: قابض بھارتی فورسز نے مقبوضہ کشمیر میں جاری اپنی پُر تشدد کارروائیوں کے دوران تین کشمیری نوجوان کو شہید کردیا۔
تفصیلات کے مطابق مقبوضہ کشمیر کے دارالحکومت سری نگر کے علاقے مُجگنڈ میں قابض بھارتی فورسز کے رشتریا رایفل گروپ اور اسپیشل آپریشن گروپ نے نام نہاد سرچ آپریشن کے دوران 3 کشمیری نوجوانوں کو ریاستی دہشت گردی کا نشانہ بناکر شہید کردیا۔
کشمیر میڈیا سروس کا کہنا ہے کہ وادی کشمیر پر قابض بھارتی فورسز نے سرچ آپریشن کے دوران پانچ رہائشی مکانات کو بھی منہدم کیا گیا ہے جبکہ ابھی تک شہیدوں کی شناخت نہیں ہوسکی ہے۔