سعودی عرب میں مسافروں کیلیے اہم اطلاع
سعودی عرب میں ٹریفک کے نگراں سرکاری ادارے نے واضح کیا ہے کہ گاڑی میں سفر کے دوران ڈرائیور کے ساتھ والی نشست پر بیٹھا مسافر موبائل فون استعمال کر سکتا ہے۔ سماجی رابطے کی ویب سائٹ ٹوئٹر پر جاری پیغام میں محکمہ ٹریفک نے بتایا کہ دوران سفر گاڑی کی اگلی نشست پر بیٹھے مسافر کے موبائل فون کے استعمال پر پابندی نہیں ہے، دوران صرف یہ ممانعت صرف ڈرائیور کے لیے ہے۔ صارف کی جانب سے سوال کیا گیا تھا کہ کیا مسافر بھی موبائل کے استعمال پر پابندی کے زمرے میں آتے ہیں؟ جس پر محکمے نے قانونی وضاحت دیتے ہوئے کہا کہ پابندی کا قانون ڈرائیور کے ساتھ بیٹھے شخص پر لاگو نہیں ہوتا۔ محکمے کا کہنا ہے کہ دوران سفر اگر ڈرائیور موبائل استعمال کرے تو اس پر 150 ریال جرمانہ عائد کیا جائے گا جب کہ عدم ادائیگی پر جرمانہ ڈبل ہو کر 300 ریال ہو جائے گا۔