لاہور سمیت پنجاب بھر میں شدید دھند کا راج،موٹروے بند
لاہورسمیت پنجاب کے مختلف شہروں میں آج بھی دھند کا راج , جس کے باعث موٹروے پولیس کی جانب سے شہریوں کو دُھند میں غیر ضروری سفرسے گریز کرنے کی ہدایت کی گئی ہے۔ صبح کے اوقات میں دھند کے باعث شہریوں کو مشکلات کا سامنا کرنا پڑ رہا ہے۔ دھند کے باعث موٹروے ایم تھری کو فیض پورسے سمندری تک بند کردیا گیا جبکہ دھند کے باعث مسافروں کو شدید مشکلات کا سامنا ہے۔ واضح رہے کہ لاہورمیں تمام نجی ملازمین کے لیے 15 جنوری تک ہفتے میں دو روز گھرسے کام کرنے کا نوٹیفکیشن جاری کیا گیا ہے۔لاہور ہائیکورٹ کے جسٹس شاہد کریم نے شہرمیں اسموگ کے باعث نجی ملازمین کیلئے ہفتے میں 2 دن گھروں سے کام کرنے کے احکامات جاری کیے تھے۔
