مانچیسٹر(رپورٹ: چودھری اشرف) عالمی کپ 2019ء میں ہلکی بارش کی وجہ سے میچ روک دیا گیا۔ نیوزی لینڈ نے 46.1 اووورز میں پانچ وکٹوں کے نقصان پر 211 رنز بنا لیے۔ مانچیسٹبر کے اولڈ ٹریفورڈ گراونڈ میں کھیلے جانے والے میچ میں نیوزی لینڈ ٹیم کے کپتان کین ویلیمسن نے ٹاس جیت کر پہلے بیٹنگ کا فیصلہ کیا۔ کیوی ٹیم کو پہلا نقصان ایک سکور پر مارٹن گپٹل کی وکٹ کی صورت میں اٹھانا پڑا۔ کیوی کپتان کین ویلیمسن اپنے اوپنر ہنری نیکولز کا ساتھ دینے کے لیے میدان میں آئے۔ دونوں کھلاڑیوں نے دفاعی حکمت عملی کا مظاہرہ کیا۔ دوسری وکٹ کی شراکت 68 رنز کا مزید اضافہ نیوزی لینڈ ٹیم کے سکور میں ہوا۔ اس موقع پر ہینری نیکولز 28 کے انفرادی سکور پر جدیجہ کی گیند پر کلین بولڈ آوٹ ہو گئے۔ نیوزی لینڈ ٹیم کے کھلاڑیوں کو وکٹ پر ٹھہرنے میں مشکل پیش آنے لگی جس پر کپتان ویلیمسن نے روز ٹیلر کے ساتھ مزید دفاعی حکمت عملی اپنائی اور 28.1 اوورز میں دو وکٹوں کے نقصان پر نیوزی لینڈ کے سکور رنز مکمل کیے۔ بعد ازاں ویلیمسن نے ون ڈے کیئر کی 39 ویں نصف سنچری 79 گیندوں پر چار چوکوں سے مکمل کی۔ 134 کے ٹوٹل پر کیوی کپتان کو 67 کے انفرادی سکور پر چاہل نے جیدیجہ کے ہاتھوں کیچ آوٹ کر کے پویلین کی راہ دکھا دی۔ نیوزی لینڈ کو چوتھا نقصان 162 کے سکور پر اس وقت اٹھانا پڑا جب بھارت کے پانڈیا نے جیمز نیشام کو کارتک کے ہاتھوں کیچ آوٹ کیا۔ جیمز نیشام نے 12 رنز سکور کیے۔ نیوزی لینڈ اننگز کے 200 رنز 44.3 اوورز میں مکمل ہوئے۔ اس موقع پر کیوی کھلاڑی گرینڈ ہوم 16 کے انفرادی سکور پر بھنیشور کی گیند پر وکٹ کیپر دھونی کے ہاتھوں کیچ آوٹ ہو گئے۔ اس سے قبل روز ٹیلر نے ون ڈے کیرئر کی پچاسویں نصف سنچری 73 گیندوں پر دو چوکوں اور ایک چھکے کی مدد سے مکمل کی۔ نیوزی لینڈ اننگز کے 46.1 اوورز کا کھیل مکمل ہوا تھا کہ فیلڈ امپائرز کی جانب سے آوٹ فیلڈ گیلی ہونے کی وجہ سے میچ کو روک دیا گیا۔ اس موقع پر روز ٹیلر 67 جبکہ لیتھم 3 کے سکور پر ناٹ آوٹ تھے۔ بھارست کی جانب سے باولنگ میں کمار، بھمرا، پانڈیا، جدیجہ اور چاہل نے ایک ایک وکٹ حاصل کر رکھی تھی۔

وزیراعلیٰ پنجاب سردار عثمان بزدارنے جیل اصلاحات کاجائزہ لینے کیلئے آج اہم اجلاس طلب کر لیا