گھبرانا نہیں ،بابراعظم کاساتھی کھلاڑیوں کو حوصلہ
اسلام آباد:-قومی کرکٹ ٹیم کے کپتان بابر اعظم نے وزیراعظم کے نقش قدم پر چلتے ہوئے ساتھی کھلاڑیوں کی ہمت بندھاتے ہوئے کہاہے کہ گھبرانا نہیں ہے ۔انگلینڈ کی بی ٹیم سے شکست کے بعد میڈیا سے گفتگو کرتے ہوئے کپتان نے کہا کہ ہم سیریز کا اچھا آغاز نہیں کرسکے،ابتدا میں وکٹیں جلد گرنے کے بعد شراکتیں قائم کرنا مشکل ہوگیا،میں انگلش بولرز کو کریڈٹ دوں گا جنھوں نے کنڈیشنز کا بہترین استعمال کیا۔ایک سوال پر انھوں نے کہا کہ کھلاڑی سہل پسندی کا شکار نہیں ہوئے، سب کو اندازہ تھا کہ عالمی نمبر ون ملک کی ٹیم کیخلاف میچ کھیل رہے ہیں،ہمیں سخت چیلنج درپیش ہوگا، سب نے اپنی سو فیصد صلاحیتوں کے اظہار کی کوشش کی مگر ہمارا ایک برا دن تھا، دوسرے میچ میں کم بیک کریں گے،میں کھلاڑیوں سے کہوں گا گھبرانا نہیں،ان کا اعتماد واپس لانے کی کوشش کروں گا۔ایک سوال پر بابر اعظم نے کہا کہ صرف مجھ پر ٹیم کی بیٹنگ کا انحصار نہیں، فخرزمان اور امام الحق نے بھی جنوبی افریقہ میں اچھی اننگز کھیلی ہیں،ہر میچ میں تمام کھلاڑی رنز نہیں بنا سکتے، فخرزمان نے پہلے ون ڈے میں اچھی اننگز کھیلی ہے۔