گرین شرٹس بروقت فارم میں آگئے ہیں:وقار یونس
آکلینڈ میں میڈیا سے گفتگوکرتے ہوئے وقار یونس کا کہنا تھا کہ ورلڈ کپ کے ابتدائی میچز میں باؤلرز اور بیٹسمین اچھا پرفارم نہیں کرپائے، لیکن اب گرین شرٹس ردھم میں آگئے ہیں، بھارت سے ورلڈ کپ میں کبھی نہ جیت پانے کے سوال پر وقار یونس کا کہنا تھا کہ مختلف ادوار میں کیا اور ٹیمیں کیوں ہاریں اس بارے میں کچھ کہنا مشکل ہے، لیکن اس بار بھارت کو آسٹریلیا میں ایونٹ کے آغاز سے دو ماہ قبل ہی ڈیرے ڈال دینے کا کافی فائدہ ہوا، اس حوالے سے کوئی بہانہ نہیں لیکن حقیقت یہ ے کہ بھارتی ٹیم کو آسٹریلیا میں ٹیسٹ اور ٹرائ انگولر سیریز کھیلنے سے کافی فائدہ ہوا جبکہ پاکستان کو تیار ہونے کا موقع نہیں ملا۔ قومی کرکٹ ٹیم کے ہیڈ کوچ نے آئی سی سی سے ون ڈے کرکٹ میں بیٹنگ اور باؤلنگ کے درمیان توازن قائم کرنے پر بھی زور دیا
