پاکستان میں گوگل کیریئر سرٹیفیکیشن کے دوسرے مرحلے کا اجرا کردیا گیا
وفاقی وزیر آئی ٹی سید امین الحق نے تقریب سے خطاب کرتے ہوئے کہا کہ گوگل کیریئر سرٹیفیکیشن پروگرام کے پہلے مرحلے میں 15 ہزار افراد نے کورسز مکمل کئے، امین الحق گوگل پروگرام کے دوسرے مرحلے میں 45 ہزار افراد کو سرٹیفیکیٹس دیئے جائیں گے۔ وزیر آئی ٹی کا کہنا تھا کہ پروگرام میں مزید 3 کورسز شامل کیئے جانے سے ان کی تعداد 9 ہوچکی ہے، پروگرام کا مقصد پاکستان ہنرمندوں کو بین الاقوامی معیار کی آئی ٹی تربیت فراہم کرنا ہے۔ انہوں نے کہا کہ خواہش ہے کہ اس پروگرام میں خواتین بھی زیادہ سے زیادہ تعداد میں رجسٹریشن کروائیں، ایک خاتون کی بہتر تعلیم و تربیت پوری نسل کی بہترین تربیت کی بنیاد ہے، پاکستان کی معاشی ترقی و استحکام میں آئی ٹی سیکٹر کا مرکزی کردار بن سکتا ہے۔ امین الحق نے کہا کہ گوگل نے پاکستان میں مارکیٹنگ دفتر قائم کرلیا، جلد ہی کنٹری آفس بھی کھل جائے گا، آئی ٹی ایکسپورٹ کے 15 ارب ڈالرز ہدف کیلئے پبلک پرائیویٹ اشتراک سے کام کررہے۔ انہوں نے مزید کہا کہ گوگل پیمنٹ پراسٹیٹ بینک کی پابندی سے عام فرد و انڈسٹری دونوں کو مشکلات ہیں اس معاملے پر وزیراعظم اور وزیر خزانہ سے بات کریں گے۔
سید امین الحق / گوگل کیریئر سرٹیفیکیشن
— Ministry of IT & Telecom (@MoitOfficial) May 9, 2023
وفاقی وزیر آئی ٹی نے گوگل کے تعاون سے کیریئر سرٹیفیکیشن پروگرام 2٫0 کا اجراٗ کردیا
پاکستان شہری آن لاٗن رجسٹریشن کرواکے فری کورسز میں شامل ہوسکتے ہیں، امین الحق#SyedAminUlHaque pic.twitter.com/YrbsoFZjJD
