علامہ اقبال کے یوم پیدائش کے موقع پروزیراعلٰی پنجاب شہباز شریف نے مزاراقبال پرحاضری دی، ان کا کہنا تھا کہ قومی خواہشات کو ذاتی خواہشات پرفوقیت دینا ہوگی۔
لاہور میں مزار اقبال پر گارڈز کی تبدیلی کی مرکزی تقریب کے بعد وزیراعلٰی پنجاب شہباز شریف نے بھی یہاں پر حاضری دی، اور فاتحہ خوانی کی،وزیراعلٰی پنجاب نے پھولوں کی چادر چڑھانے کے بعد اپنے تاثرات بھی قلمبند کئے۔ اس موقع پر میڈیا سے بات کرتے ہوئے شہباز شریف کا کہنا تھا کہ محنت، دیانت اور خلوص اقبال کا پیغام ہے۔
