معین علی ٹی 20 انٹرنیشنل میں انگلینڈ کی کپتانی کرنیوالے پہلے کشمیری کرکٹر بن گئے۔ 32 سالہ معین علی نے ٹی 20 انٹرنیشنل میں انگلینڈ کی کپتانی کرنے والے پہلے کشمیری کرکٹر کا اعزاز آسٹریلیا سے تیسرے ٹی ٹونٹی میں حاصل کیا، ان کے دادا میر پور ،آزاد کشمیر سے ہجرت کرکے انگلینڈ گئے تھے،این مورگن انجری کی وجہ سے میچ میں حصہ نہ لے سکے۔یاد رہے کہ آسٹریلیا نے سیریز کے آخری ٹی ٹونٹی میں انگلینڈ کو 5 وکٹوں سے شکست دے دی جبکہ انگلینڈ نے ابتدائی دونوں میچ جیت کر سیریز پہلے ہی اپنے نام کرلیا تھا۔ ساوتھمپٹن میں کھیلے گئے میچ میں آسٹریلیا نے ٹاس جیت کر میزبان انگلینڈ کو پہلے بیٹنگ کی دعوت دی تو ہیزل وڈ نے بینٹن کو 4 رنز پر آوٹ کرکے ٹیم کو پہلی کامیابی دلائی۔انگلینڈ کے جونی بیئراسٹو نے اچھی بیٹنگ کا مظاہرہ کیا اور ڈیوڈ ملان کے ساتھ مل کر اسکور کو 53 رنز تک پہنچایا تاہم ملان21 رنز کی اننگز کھیلنے کے بعد آوٹ ہوئے۔سیم بلنگز آوٹ ہونے والے تیسرے بلے باز تھے جنہوں نے صرف 4 رنز بنائے، جس کے بعد معین علی بیٹنگ کے لیے آئے جبکہ بیئراسٹو 94 کے مجموعے پر آوٹ ہوئے اور اس دوران نصف سنچری بھی مکمل کی اور 55 رنز کی اننگز کھیل کر پویلین لوٹے۔ میچ میں قیادت کرنے والے معین علی 119 کے اسکور پر 23 رنز بنا کر آوٹ ہوئے، کرس جارڈن 4 رنز بنا کر آوٹ ہونے والے آخری بلے باز تھے۔انگلینڈ نے مقررہ اوورز میں 6 وکٹوں کے نقصان پر 145 رنز بنائے۔ ڈینلے 29 اور کیوران 2 رنز بنا کر ناٹ آوٹ رہے جبکہ آسٹریلیا کی جانب سے زیمپا نے سب سے زیادہ 2 وکٹیں حاصل کیں۔ آسٹریلیا نے ہدف کے تعاقب میں 31 رنز پر پہلی وکٹ گنوائی جبکہ اسٹوئن اور فنچ نے اسکور کو 70 رنز تک پہنچایا اور اسٹوئن 26 رنز بنا کر آوٹ ہوئے۔ گلین میکسویل اور اسمتھ ایک مرتبہ پھر کارکردگی دکھانے میں ناکام رہے اور بالترتیب 6 اور 3 رنز بنا کر آوٹ ہوئے۔مچل مارش نے ذمہ دارانہ بیٹنگ کا مظاہرہ کیا اور 39 رنز بنا کر ٹیم کو فتح سے ہمکنار کیا۔ یہ بھی پڑھیں:بٹلر کی شاندار بیٹنگ، آسٹریلیا کو لگاتار دوسرے ٹی20 میچ میں شکست آسٹریلیا نے آخری اوور کی تیسری گیند پر 5 وکٹوں پر 146 رنز بناکر میچ 5 وکٹوں سے جیت لیا اور سیریز میں پہلی کامیابی حاصل کی۔ انگلینڈ کی جانب سے عادل رشید نے سب سے زیادہ 4 وکٹیں حاصل کیں۔ میچ میں ذمہ دارانہ بلے بازی کرنے پر مچل مارش کو بہترین کھلاڑی قرار دیا گیا جبکہ سیریز کے بہترین کھلاڑی کا ایوارڈ جوز بٹلر کو دیا گیا۔ خیال رہے کہ انگلینڈ نے سیریز کے ابتدائی دونوں میچوں میں کامیابی حاصل کرکے سیریز پہلے ہی جیت لی تھی۔

کورونا وائرس سےدنیا بھر میں ہلاکتیں2039607ہو گئیں