کورونا کیسز میں اضافے کے بعد کئی علاقوں میں اسمارٹ لاک ڈاﺅن کا نفاذ کر دیا گیا۔نوٹیفیکیشن کے مطابق راولپنڈی میں کورونا کیسز بڑھ جانے کے بعد تین تحصیلوں سمیت ضلع بھر کے 19علاقوں میں اسمارٹ لاک ڈاﺅن نافذ کیا گیا ہے۔ضلعی انتظامیہ کا کہنا ہے کہ راولپنڈی شہر میں اسکیم تھری، ڈھوک نجو، خیابان سر سید سیونتھ روڈ، سیٹلائٹ ٹاﺅن، وارث خان ،گوالمنڈی اور دیگر علاقے شامل ہیں جب کہ تحصیل ٹیکسلا میں بٹل سٹاف برہما، تحصیل کہوٹہ کا گاﺅں ڈھپری، گوجرخان کے وارڈ 18اور 19 میں بھی اسمارٹ لاک ڈاﺅن لگایا گیا ہے۔نوٹیفیکیشن میں کہا گیا ہے کہ متاثرہ علاقوں میں مذہبی، سماجی اور سیاسی اجتماعات پرمکمل پابندی عائد کی گئی ہے جب کہ طبی مراکز24گھنٹے کھلے رہیں گے۔اس کے علاوہ جنرل اسٹور، کریانہ، آٹا چکی، پھل کی دوکانیں اور پیٹرول پمپس اب 9 سے شام 7 تک کھلے گے جب کہ چکن گوشت بیکریز صبح 7 سے شام 7تک کھلیں گی۔

سعودی ولی عہد کے خلاف جرمنی میں خاشقجی قتل کی شکایت درج