ملکہ کوہسار مری میں برفانی طوفان کے تین روز بعد بھی معمولات زندگی مکمل بحال نہ ہو سکے ۔ تفصیلات کے مطابق مری میں پانی و بجلی کی فراہمی مکمل طور پر بحال نہیں ہوسکی جبکہ موبائل فون سروس بھی متاثر ہے۔ مری میں امدادی کارروائیاں اور ریسکیو ریلیف آپریشن تاحال جاری ہے، علاقے میں پھنسے سیاحوں کی بڑی تعداد کو واپسی کے لیے روانہ کردیا گیا۔ سیاحتی مقام پر اب وہ لوگ موجود ہیں جن کی یا تو گاڑیاں خراب ہیں یا انہیں کسی قسم کے دیگر مسائل کا سامنا ہے تاہم کچھ سیاح اپنی گاڑیاں برف میں چھوڑ کر واپس جاچکے ہیں۔ گذشتہ رات واپڈا کی ٹیمیں بجلی بحال کرنے کی کوششوں میں مصروف رہیں البتہ صورتحال سنگین ہونے کے باعث کچھ مقامات پر اب بھی بجلی کی فراہمی معطل ہے۔

سندھ کے بیراجوں میں پانی کی صورتحال میں بہتری