الیکشن سے بھاگیں گے تو غیر جمہوری طاقتیں فائدہ اٹھائیں گی: علی محمد خان
سرگودھا: پاکستان تحریک انصاف کے رہنما علی محمد خان نے کہا ہے کہ کل تک ایک دوسرے کو پتھر مارنے والے اچانک گلے مل رہے ہیں، کوئی بات تو ہے۔سابق وفاقی وزیر علی محمد خان نے خبردار کرتے ہوئے کہا کہ الیکشن سے بھاگیں گے تو غیر جمہوری طاقتیں فائدہ اٹھائیں گی۔
انہوں نے واضح طور کہا کہ سیاستدان اپنے مسائل خود حل کریں کسی اور طرف اشارے نہ کریں، سب سے غلطیاں ہوئی ہیں، سب ایک قدم پیچھے ہٹ کر پاکستان کے مسائل کا حل نکالیں۔