مقبوضہ کشمیر میں بھارتی فوج نے پورے مقبوضہ علاقے میں بڑے پیمانے پر محاصرے اور تلاشی کی کاروائیاں جاری رکھیںاور رہائشیوں کو تشددکا نشانہ بنایا اور ہراساں کیا ۔ فوجیوں نے سرینگر ، بڈگام ، گاندربل ، کپواڑہ ، بانڈی پورہ ، بارہمولہ ، شوپیاں ، پلوامہ ، اسلام آباد ، کولگام ، پونچھ ، کشتواڑ ، ڈوڈہ ، رام بن اور راجوری کے مختلف علاقوں میں اپنی پرتشدد کارروائیاں جاری رکھیں۔ فوجیوں نے مختلف علاقوں سے متعدد نوجوانوں کو بھی گرفتارکرلیا۔ کشمیر میڈیاسروس کی طرف سے آ ج جاری کی گئی ایک تجزیاتی رپورٹ میں کہا گیا کہ بھارتی فوجی اور پولیس اہلکار کشمیریوں کی تحریک آزادی کو کمزور کرنے اور لوگوں میں خوف و دہشت کا احساس پیدا کرنے کیلئے مقبوضہ علاقے میں معصوم بچوں کو بھی نہیں بخش رہے ہیں۔

ساتویں کثیر القومی مشق ’’امن ‘‘ِ فروری میں منعقد ہوگی ، ترجمان پاک بحریہ