جنوبی افریقن کرکٹ ٹیم کے لیفٹ آرم سپنر کیشو مہاراج نے نیوزی لینڈ کے خلاف کیریئر بیسٹ باؤلنگ کی اور 5 کھلاڑیوں کو میدان بدر کیا۔ اس طرح وہ 1964ء کے بعد نیوزی لینڈ کے خلاف 5 وکٹیں لینے والے پہلے جنوبی افریقن سپنر بن گئے ہیں۔ انہوں نے ڈونیڈن ٹیسٹ کی پہلی اننگز میں 94 رنز کے عوض 5 وکٹیں حاصل کیں۔ جیت راول، ہینری نکولس، بی جے واٹلنگ، نیل ویگنر اور ٹرینٹ بولٹ ان کا نشانہ بنے۔ یہ ان کے ٹیسٹ کیریئر کی بہترین باؤلنگ ہے۔