اوپن مارکیٹ میں مرغی کی قیمت کو پر لگ گئے، مرغی کا گوشت غریب عوام کی قوت خرید سے باہر نکل گیا، مارکیٹ میں مرغی کا گوشت اندرون شہر 435 روپے کلو نواحی ایریاز میں 445 روپے کلو ہوگیا۔ راولپنڈی میں مرغی کے گوشت کی قیمتوں میں روزانہ کی بنیاد پر اضافہ کا سلسلہ جاری ہے۔ اب اوپن مارکیٹ میں مرغی کی قیمت سال کی بلند ترین سطح کو چھونے لگی اندرون شہر ذندہ مرغی ریکارڈ 290 روپے کلو، مرغی کا گوشت 435 روپے کلو جبکہ نواحی ایریاز میں زندہ مرغی 300 روپے کلو، مرغی کا گوشت 445 روپے کلو کر دیا گیا۔