ناروے میں دو ہزار قطبی ہرنوں کو ہلاک کیا جائے گا۔ذرائع کے مطابق ناروے میں حکام نے دو ہزار قطبی ہرنوں کو ہلاک کرنے کا اجازت نامہ جاری کیا ہے ۔نارویجین وزارت زراعت کی جانب سے اعلان کردہ یہ اقدام ملک میں سامنے آنے والی ایک بیماری کو روکنے کی غرض سے کیا جا رہا ہے۔اس بیماری کا نام”کرانک ویسٹنگ ڈیزیز“ہے۔ یہ بیماری شمالی امریکا میں جانوروں میں پائی جاتی ہے تاہم ناروے میں ریکارڈ کیے جانے والے کیس یورپ میں پہلی مرتبہ سامنے آئے ہیں۔اس بیماری کے نتیجے میں متاثرہ جانور کا دماغ اسفنج دار ہو جاتا ہے اور پھر وزن میں کمی آنے کے بعد وہ مر جاتا ہے۔یورپ میں پہلی مرتبہ اس بیماری کا انکشاف گزشتہ برس ناروے میں ہوا تھا۔ اس کے نتیجے میں حکام نے ملک کے جنوب مغربی پہاڑی علاقے میں مذکورہ بیماری میں مبتلا جانوروں پر قابو پانے کا فیصلہ کیا ہے۔

الیکشن کے علاوہ مسائل کا کوئی حل نہیں، مریم نواز