وزیراعلی مریم نواز شریف کا پاک فوج کی بھارتی جارحیت کے خلاف عبرتناک جوابی کارروائی پر فخر کا اظہار

آپریشن بُنْیَانٌ مَّرْصُوْصٌ----وزیر اعلی مریم نواز شریف کا پاک فوج کے لیے اعزاز و افتخار کا اظہار وزیراعلی مریم نواز شریف کا پاک فوج کی بھارتی جارحیت کے خلاف عبرتناک جوابی کارروائی پر فخر کا اظہار پاکستان کا بھارت کی بزدلانہ جارحیت کا دن کی روشنی میں دیا گیا جواب تاریخ میں سنہری حروف سے لکھا جائے گا:مریم نواز شریف آپریشن بُنْیَانٌ مَّرْصُوْصٌ جوابی کارروائی نہیں،تاریخی اعلان ہے کہ ہم کمزور نہیں،امن کے لیے خاموش تھے لاہور10 مئی:……آپریشن بُنْیَانٌ مَّرْصُوْصٌپروزیر اعلی مریم نواز شریف نے پاک فوج کے لیے اعزاز و افتخار کا اظہار کیا ہے- وزیراعلی مریم نواز شریف نے پاک فوج کی بھارتی جارحیت کے خلاف عبرتناک جوابی کارروائی پر اظہارتفاخر کرتے ہوئے کہاکہ پاکستان کا بھارت کی بزدلانہ جارحیت کا دن کی روشنی میں دیا گیا جواب تاریخ میں سنہری حروف سے لکھا جائے گا۔ پاک سرزمین کے سپاہیو! تم پر سلام ہو، تمہارے جذبے کو سلام ہو اور تمہاری غیرت کو سلام ہو-وزیراعلی مریم نوازشریف نے کہاکہ سلام ہے ان محافظوں کو جنہوں نے صرف گولی سے نہیں بلکہ غیرت، حکمت اور شجاعت سے جواب دیا-آپریشن بُنْیَانٌ مَّرْصُوْصٌ جوابی کارروائی نہیں، تاریخی اعلان ہے کہ ہم کمزور نہیں، امن کے لیے خاموش تھے۔جب دشمن نے حدپار کی تو پاکستان نے صبر کو حکمت میں بدلااور کڑی ضرب دی-وزیراعلی مریم نوازشریف نے کہاکہ پاکستان کاایک ایک سپاہی مادرِ وطن کے تحفظ کی قسم کھا کر زندہ ہے۔ امن کے خواہاں ضرورہیں مگر جارحیت کا جواب خاموشی نہیں، ضرب ہوتا ہے-وزیراعلی مریم نوازشریف نے کہاکہ پاکستان کی سرحدیں صرف خاردار تاروں سے ہی نہیں، شہیدوں کے لہو سے محفوظ ہیں۔