قابض اسرائیلی فوج کی بربریت: فائرنگ سے نوجوان شہید،سینکڑوں زخمی
فلسطین میں قابض اسرائیلی فوج کی بربریت تھم نہ سکی، فائرنگ کرکے 20 سالہ نوجوان کو شہید کردیا جبکہ سینکڑوں زخمی ہیں۔ غزہ میں اسرائیلی افواج کے غاضبانہ قبضے کے خلاف پرامن فلسطینوں کا ہفتہ وار احتجاج جاری تھا کہ صہیونی فوج نے مظاہرین پر ایک بار پھر اندھا دھند فائرنگ کردی۔اسرائیلی فوج کی فائرنگ سے بیس سالہ نوجوان شہید اور سینکڑوں زخمی ہوگئے۔ فلسطینی وزارت صحت کے مطابق اکتیس مارچ سے جاری مظاہروں میں ابتک 220فلسطینی شہید اور ہزاروں زخمی ہو چکے ہیں۔خیال رہے کہ غزہ میں گذشتہ ہفتے ہونے والے مظاہرے میں اسرائیلی فوج نے فائرنگ کرکے فلسطینی نوجوان محمد ابو عبادہ کو فائرنگ کرکے شہید کردیا تھا۔ واضح رہے کہ گذشتہ ماہ اسرائیلی فورسز نے آپریشن کے دوران 24 سالہ فلسطینی شہید ہوگیا تھا، جس پر اہلخانہ کی جانب سے احتجاجی مظاہرہ کیا گیا تھا۔ اد رہے کہ غاصب صیہونی ریاست اسرائیل کے ظالم فوجیوں کی جانب سے ستمبر میں مقبوضہ فلسطین کے شہر غزہ میں واقع ایک کثیر المنزلہ عمارت پر فضائی بمباری کی گئی تھی جس کے نتیجے میں 18 فلسطینوں کے زخمی ہونے کی اطلاعات موصول ہوئی تھیں۔