تحریک انصاف کے رہنما عثمان ڈار کووزیراعظم یوتھ پروگرام کا چیئرمین تعینات کردیا گیا
رہنماپی ٹی آئی عثمان ڈار وزیراعظم یوتھ پروگرام کے چیئرمین تعینات، ،، وزیراعظم عمران خان نے منظوری دے دی،نوٹیفکیشن بھی جاری کردیا گیا،،، سابقہ دور حکومت میں یہ عہدہ مسلم لیگ ن کی رہنما مریم نواز کے پاس تھا،،، وزیراعظم عمران خان کہتے ہیں نوجوانوں کی نمائندگی کے لئے عثمان ڈار بہترین انتخاب ہیں، یوتھ پروگرام کے ذریعے نوجوانوں کے لئےانقلابی اقدامات کئے جائیں، عثمان ڈار کا کہنا ہے کہ وزیراعظم نے جواعتماد ظاہر کیا اس پر پورا اتروں گا، وزیراعظم نے نوجوانوں کو صحیح معنوں میں با اختیار بنانے کا ٹاسک سونپا ہے، سابق حکومت میں لیپ ٹاپ مہنگے داموں خرید کر قومی خزانے کو نقصان پہنچایا گیا،عثمان ڈار کا کہنا تھا کہ نوجوانوں کو حکومتی سرپرستی میں ترقی کے مواقع دیں گے، مکمل تیاری کے ساتھ نوجوانوں کے لئے زبردست پالیسیاں اوراسکیم لانچ کریں گے، نوجوانوں کو کامیاب روزگار اور بہترین تربیت مہیا کرنا ترجیح ہو گی۔
