اسرائیلی وزیراعظم نےافریقا سے ایک ہزار یہودیوں کو فلسطین میں بسانے کی منظوری دےدی
اسرائیلی وزیراعظم بنجمن نیتن یاہو نے ایتھوپیا سے ایک ہزار فلاشا(حبشی) یہودیوں کو مقبوضہ فلسطین میں آباد کرنے کی منظوری دی ہے۔مرکزاطلاعات فلسطین کے مطابق کہا جاتا ہے کہ انیسویں صدی میں ایتھوپیا کے فلاشا نسل کے یہودیوں کو جبرا مذہب تبدیل کرکے عیسائی بنا دیا گیا تھا۔عبرانی اخبار یدیعوت اہرونوت کے مطابق وزیراعظم بنجمن نیتن یاہو کا کہنا ہے کہ ہم فلاشا نسل کے ایک ہزار یہودیوں کو اسرائیل میں آباد ہونے کی اجازت دیتے ہیں۔واضح رہے کہ ایتھوپیا کے 80 ہزار یہودی 1984ء سے 1991ء کے دوران مقبوضہ فلسطین میں لا کر بسائے گئے۔ اس وقت فلسطین میں بسائے گئے فلاشا یہودیوں کی تعداد ایک لاکھ 40 ہزار سے زیادہ ہے-
