محکمہ موسمیات کےمطابق آئندہ24گھنٹوں کے دوران ملک کےبیشترعلاقوں میں کہیں کہیں تیزہواؤں،گرج چمک کےساتھ بارش اوربعض مقامات پرژالہ باری کابھی امکان ہے
محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم خشک رہے گا، تاہم مالاکنڈ، ہزارہ، پشاور، مردان، کوہاٹ ڈویژن، ژوب، راولپنڈی، گوجرانوالہ ڈویژن، فاٹا،
گلگت بلتستان اور کشمیر میں کہیں کہیں تیز ہواؤں، گرج چمک کے ساتھ بارش اور بعض مقامات پر ژالہ باری کا بھی امکان ہے، لاہور ڈویژن میں بعض مقامات پر گرد آلود ہوائیں چلنے کے ساتھ ہلکی بارش کی بھی توقع ہے، ملک کے شمالی علاقوں میں بادل چھائے ہیں، آج بارشوں کے باعث مالاکنڈ، ہزارہ ڈویژن، گلگت بلتستان اور کشمیر میں مزید لینڈ سلائنڈینگ کا بھی خدشہ ہے،،،
کراچی میں موسم قدرے گرم ہے، آج صبح سویرے ہی پارہ چونتیس ڈگری سینٹی گریڈ تک جا پہنچا، پشاور میں انتیس جبکہ لاہور اور اسلام آباد میں اٹھائیس ڈگری سینٹی گریڈ ریکارڈ کیا گیا، کوئٹہ میں درجہ حرارت تئیس ڈگری سینٹی گریڈ ہے، گزشتہ چوبیس گھنٹوں کے دوران کے پی، پنجاب اور فاٹا میں کہیں کہیں جبکہ بلوچستان اور گلگت بلتستان میں چند مقامات پر تیز ہواؤں اور گرج چمک کے ساتھ بارش ہوئی، گزشتہ روز سب سے زیادہ درجہ حرارت شہید بینظیر آباد، سکھر، دادو، میرپور خاص، چھور، مٹھی، پڈعیدن، لاڑکانہ اور حیدرآباد میں سینتیس ڈگری سینٹی گریڈ ریکارڈ کیا گیا ۔۔۔۔۔۔
