آپ جسے منتخب کرتے ہیں اسے خدمت کا موقع بھی ملنا چاہیے لیکن پانچ لوگوں نے رسوا کر کے نکال دیا۔نواز شریف
گجرات میں کارکنوں سے خطاب کرتے ہوئے سابق وزیراعظم نواز شریف کاکہناتھا کہ اپنی اپیل لے کر عوام کی عدالت میں حاضر ہوں۔۔لوڈشیڈنگ ختم کرنے کے لیے دن رات ایک کر دیا،آج چولہا بھی جلتا ہے روشنیاں بھی پھیل رہی ہیں،اگلےسال لوڈ شیڈنگ ہمیشہ کےلیے رخصت ہو جائے گی۔۔انہوں نے کہا کہ کرپشن کا کوئی داغ نہیں۔۔قوم کا پیسہ امانت سمجھا اس میں کبھی خیانت نہیں کی،قوم پوچھتی ہے نواز شریف کو کیوں نکالا گیا,نوازشریف نےکہاکہ آپ جسے منتخب کرتے ہیں اسے خدمت کا موقع بھی ملنا چاہیے، لیکن عوام کے ووٹ کو پاؤں تلے روندا گیا۔ پانچ لوگوں نے رسوا کر کے نکال دیا، کیا آپ کو یہ منظور ہے۔۔تنخواہ نہ لینے پر عہدے سے ہٹایا گیا۔ یہ سلسلہ کب تک چلے گا مزید برداشت نہیں کرسکتا،سابق وزیراعظم نوازشریف عمران خان کو تنقید کا نشانہ بناتے ہوئے کہا کہ ایک شخص روزجھوٹ بولتاہے،الزام تراشی اسکی فطرت میں شامل ہے۔۔انہوں نے کہا کہ تقدیربدلنے کیلئےآپکو نوازشریف کا ساتھ دینا ہوگا، جس کی لاٹھی اس کی بھینس نہیں ہوسکتی۔۔عوام بتائیں مجھے کیا کرنا چاہیے، کیا گھر بیٹھ جاؤں، یا ظلم کا مقابلہ کروں,نواز شریف نے کہا کہ یہ میری ذات کا نہیں۔۔ بیس کروڑ عوام کی توہین کا معاملہ ہے