بلوچستان میں دہشت گردوں کی ایک بار پھر بزدلانہ کارروائی، دالبندین میں ایک مسافر بس کے قریب دھماکے سے 13افراد زخمی ہوگئے،ذرائع کے مطابق ابتدائی تحقیقات میں یہ بات سامنے آئی ہے کہ دھماکا خود کش تھا، دھماکے کے بعد سیکیورٹی فورسز نے علاقے کو گھیرے میں لے لیا، عینی شاہدین کے مطابق ایک خودکش حملہ آور نے مسافر بس کے قریب آنے کی کوشش کی تاہم وہ بس سے کچھ فاصلے پر ہی دھماکے سے پھٹ گیا جس کے نتیجے میں 13افراد زخمی ہوگئے،لیویز ذرائع کے مطابق دھماکے کے بعد تمام زخمیوں کو ہسپتال منتقل کر دیا گیا ہے،ذرائع کا کہنا ہے کہ خودکش حملہ آور نے جسے نشانہ بنانے کی کوشش کی وہ سیندک منصوبے کے ملازمین کی بس تھی،،، پولیس اور سیکیورٹی ادارے اس حوالے سے مزید تحقیقات کررہے ہیں۔