بھارتی وزیراعظم مودی کی عہد شکنی، ممبر پارلیمنٹ نے احتجاجاً ہٹلر کا روپ دھار لیا
بھارتی وزیر اعظم نریندر مودی کی جانب سے عہد شکنی کے بعد بھارتی ممبر پارلیمنٹ نراملی شیوا پرساد نے احتجاج کے طور پر ہٹلر کا روپ دھار لیا۔ غیرملکی خبررساں ادارے کے مطابق بھارت کی جنوبی ریاست آندھرا پردیش کے نراملی شیوا پرساد نے اپنے وزیراعظم کی عہد شکنی سے دلبرداشتہ ہوکر ہٹلر کا روپ دھار لیا اور احتجاج ریکارڈ کروانے کے لیے اسی حلیے میں پارلیمنٹ پہنچ گئے، وہ اس سے پہلے بھی توجہ حاصل کرنے کے لیے دیوی دیوتائوں کا روپ اختیار کرتے رہے ہیں۔ ہٹلر کا حلیہ اپنانے کے باعث سوشل میڈیا پر شیوا پرساد کی خوب لعن طعن کی جارہی ہے۔