سری لنکا کے فرار سابق صدر سنگاپور کے بعد تھائی لینڈ جانے کیلئے کوشاں
تھائی لینڈ کی وزارت خارجہ نے کہا ہے کہ سری لنکا کے سابق صدر گوٹابایا راجا پاکسے نے گزشتہ ماہ اپنے خلاف ہونے والے عوامی مظاہروں کے دوران اپنے ملک سے فرار ہو کر سنگاپور میں کچھ عرصہ رہنے کے بعد عارضی قیام کے لیے تھائی لینڈ میں داخلے کی درخواست کردی ہے۔
گوٹابایا راجاپکسے 70 برس میں پہلی بار سنگین معاشی بدحالی کی صورت حال میں 14 جولائی کو اس وقت فرار ہوئے تھے جب سری لنکا کے ہزاروں عوام نے ان کے صدراتی محل اور دفتر پر دھاوا بول دیا تھا۔
ملک سے فرار ہونے کے بعد ریٹائرڈ فوجی افسر اپنے صدارتی منصب سے مستعفی ہوکر اپنا حکومتی دور مکمل نہ کرنے والے ریاست کے پہلے سربراہ بن گئے۔