مدنی مسجد کی شہادت کا معاملے, وزارت داخلہ اور علماء میں مزید کوئی یکطرفہ اقدام نہ اٹھانے پر اتفاق

وفاقی دارالحکومت اسلام آباد میں مدنی مسجد کی شہادت کا معاملے پروزارت داخلہ اور علماء میں مزید کوئی یکطرفہ اقدام نہ اٹھانے پر اتفاق ہوگیا ،اگلے 48 گھنٹوں میں وزیر داخلہ محسن نقوی سے ملاقات کے بعد حتمی فیصلہ کیا جائے گا۔پیر کو اسلام آباد میں مدنی مسجد کی شہادت کا معاملے پروزارت داخلہ اور علماء میں مزید کوئی یکطرفہ اقدام نہ اٹھانے پر اتفاق ہوگیا، اگلے اڑتالیس گھنٹوں میں وزیر داخلہ محسن نقوی سے ملاقات کے بعد حتمی فیصلہ کیا جائے گا۔ وزیر مملکت داخلہ سینیٹر طلال چوہدری اور علمائے کرام کے درمیان گزشتہ رات اور سوموار کو دن میں مذاکرات ہوئے ۔دن کوہونے والے مذاکرت میں علماء کی جانب سے مولانا عبدالغفور حیدری اوردیگر علما ء مذاکرات میں شامل تھے جبکہ دوسری جانب وزیرِ مملکت برائے داخلہ طلال چوہدری، کمشنر اسلام آباد، آئی جی اسلام آباد اور ڈپٹی کمشنر اسلام آباد شریک ہوئے ۔ فریقین میں اتفاق ہواکہ مذاکرات میں مزید پیشرفت کے لیے مزید 48 گھنٹے کا وقت درکار ہو گا۔مدرسے کی منتقلی کے مسئلے کو مذہبی، قانونی اور تمام متعلقہ پہلوئوں کو مدنظر رکھتے ہوئے خوش اسلوبی سے حل کیا جائے گا،مذاکرات دوران کوئی بھی فریق یکطرفہ اقدام نہیں کرے گا۔