مالٹا کو لیسٹرول سمیت دل کی صحت، نظام تنفس کے امراض اور کینسر سے تحفظ فراہم کرتا ہے۔ ماہرین

امریکی ماہرین صحت کا کہنا ہے کہ مالٹاکولیسٹرول لیول کنٹرول کرنے سمیت دل کی صحت، نظام تنفس کے امراض اورکینسر سے تحفظ فراہم کرتا ہے۔پنسلونیا اسٹیٹ یونیورسٹی کے شعبہ صحت کے ماہرین کی تحقیق سے معلوم ہوا ہے کہ وٹامن سی سے بھرپور مالٹے صحت کے لیے انتہائی فائدہ مند ہےں۔ اس میں صرف 85 کیلوریز ہوتی ہیں ۔مالٹے میں چربی، کولیسٹرول یا سوڈیم تو بالکل نہیں ہوتے یہی وجہ ہے کہ اس کے متعدد طبی فوائد پائے جاتے ہیں۔ وٹامن سی سے بھرپور یہ پھل جلد،کولیسٹرول لیول، دل کی صحت اور نظام تنفس کے امراض سمیت کینسر سے تحفظ فراہم کرتا ہے۔ ماہرین کے مطابق اکثر ترش پھل میں وٹامن سی کی مقدار کافی زیادہ ہوتی ہے اور مالٹے بھی ان میں شامل ہیں۔وٹامن سی خلیات کو جسم میں گردش کرنے والے مضر اجزاء یعنی فری ریڈیکلز سے تحفظ فراہم کرتا ہے، یہ فری ریڈیکلز کینسر اور امراض قلب وغیرہ کا باعث بن سکتے ہیں۔ اسی طرح مالٹے جسمانی دفاعی نظام کو مضبوط کرکے عام روزمرہ کے جراثموں اور انفیکشن جیسے نزلہ زکام وغیرہ سے بھی بچاسکتے ہیں۔