پاک، بھارت آبی مسئلے پر بڑی پیش رفت ہوئی ہے، بھارت نے سندھ طاس معاہدے کا تنازع حل کرنے پر آمادگی ظاہر کردی۔ وفاقی وزیرآبی وسائل فیصل واوڈا کے مطابق پاکستان کی درخواست پر بھارت نے دریائے چناب پر منصوبوں کے معائنے کی درخواست قبول کرلی ہے۔ہندوستان نے پاکستان کی درخواست پر چناب بیسن میں منصوبوں کے معائنہ کی اجازت دے دی ہے جس کے بعد فیصل واوڈا نے 3 رکنی ٹیم کو بھارت روانگی کی ہدایت کر دی ہے، وفد کی قیادت کمشنر انڈس واٹر کریں گے۔ہندوستان نے پاکستان کی درخواست پر چناب بیسن میں منصوبوں کے معائنہ کی اجازت دے دی ہے جس کے بعد فیصل واوڈا نے 3 رکنی ٹیم کو بھارت روانگی کی ہدایت کر دی ہے، وفد کی قیادت کمشنر انڈس واٹر کریں گے۔وفاقی وزیر نے بھارت کے اس اقدام کا خیر مقدم کرتے ہوئے امید ظاہر کی کہ بھارت دیگر حل طلب مسائل پر بھی بات چیت پر آمادہ ہو گا۔ دوسری جانب انڈس واٹر کمشنر مہر علی شاہ کا کہنا ہے کہ وفد دریائے چناب پر بننے والے منصوبے لوئر کلنائی اور پاکل دل کا معائنہ کرے گا۔ انڈس واٹر کمشنر کا کہنا تھا کہ سندھ طاس معاہدے کی خلاف ورزی پر پاکستان نے بھر پور آواز بلند کی ہے، بھارتی انڈس واٹر کمشنر پی کے سکسینا وفد کے ہمراہ گزشتہ برس پاکستان آئے تھے۔

خواتین ارکان پارلیمنٹ اپنے حلقے کے مسائل کیلئے موثر کردار ادا کر رہی ہیں۔عمران خان