پاکستان کے سابق کپتان شاہد آفریدی نے کہا ہے کہ پاکستان کرکٹ بورڈ (پی سی بی) کو بطور پاور ہٹنگ کوچ میری خدمات کی ضرورت پڑی تو حاضر ہوں گا۔ایک انٹرویو میں انہوں نے کہا کہ میرے لیے پاکستان کرکٹ ٹیم کی جانب سے کھیلنا ہی بہت فخر کی بات تھی، ایک ایسا ادارہ جس کے ساتھ میں لمبے عرصے منسلک رہا اسے میری کبھی بھی ضرورت پڑی تو میں ضرور حاضر رہوں گا۔ان کا کہنا تھا کہ پاور ہٹنگ کوچ رکھنے کا فیصلہ اچھا ہے، پی سی بی کسی کو بھی یہ ذمہ داری دے سکتا ہے۔