بلوچستان کے 80 دیہات کو رواں مالی سال کے دوران بجلی فراہم کی جائے گی۔
مسلم لیگ (ن) کے سینیٹر لیفٹیننٹ جنرل (ر) عبدالقیوم خان نے کہا ہے کہ موجوہ حکومت کی توجہ پاکستان کی معیشت کی بہتری پر مرکوز ہے۔ ریڈیو پاکستان سے گفتگو کرتے ہوئے انھوں نے کہا کہ مسلم لیگ (ن) کے سیاسی مخالفین کی حکومت اور فوج کے درمیان محاذ آرائی کی توقعات پوری نہیں ہوئیں ۔ انھوں نے کہا کہ پاکستان ایک جمہوری ملک ہے اور یہاں ہر شخص کو اظہار رائے کی آزادی سب کا حق حاصل ہے۔ پاک افواج کے شعبہ تعلقات عامہ آئی ایس پی آر کی جانب سے جاری کردہ ایک پریس بریفنگ میں بھی واضح اشارہ دیا گیا ہے کہا سول اور فوجی قیادت ملکی سالمیت پر یکجا ہیں اور ان کی اولین ترجیح وطن عزیز کو دہشتگردوں سے پاک کرنا ہے۔لیفٹیننٹ جنرل (ر) عبدالقیوم نے کہا کہ کچھ بیرونی اور اندرونی عناصر پاکستان کو غیر مستحکم کرنا چاہتے ہیں لیکن وہ اپنے مقاصد میں کبھی کامیاب نہیں ہوں گے۔ انھوں نے کہا کہ مخالفین کی تنقید اور سازشوں کے باوجود مسلم لیگ (ن) کی موجودہ حکومت ملکی معیشت کو بہتر بنانے کے لئے پر توجہ مرکوز کئے ہوئے ہے ۔
