رواں مالی سال 2016-17ءکے دوران سیمنٹ کی مقامی فروخت میں 10.7فیصد کا اضافہ ہواہے اور پہلے دس ماہ کے دوران مقامی مارکیٹ میں 2کروڑ 98 لاکھ 70ہزار 808 ٹن سیمنٹ فروخت کیا گیا ۔ آل پاکستان سیمنٹ مینوفیکچررز ایسوسی ایشن ( اے سی ایم اے) کے اعداد وشمار کے مطابق گزشتہ مالی سال میں جولائی تا اپریل کے دوران سیمنٹ کی مقامی فروخت کا حجم 2 کروڑ69 لاکھ 73ہزار 44 ٹن ریکارڈ کیا گیا تھا۔ رپورٹ کے مطابق ملک کے جنوبی علاقوں میں سیمنٹ کی مقامی فروخت کی شرح گزشتہ مالی سال کے مقابلے میں رواں مالی سال کے دوران 13.1فیصد زائد رہی ہے جبکہ شمالی علاقہ جات میں فروخت کی شرح میں 10.2فیصد کااضافہ ہواہے۔ اسی طرح سیمنٹ کی مقامی فروخت اور برآمدات میں گزشتہ مالی سال کے مقابلہ میں جاری مالی سال کے پہلے دس ماہ میں جولائی تا اپریل 2016-17ءکے دوران مجموعی طور پر 6.2فیصد کا اضافہ ریکارڈ کیاگیا ہے اور اس دوران تین کروڑ 38لاکھ 80ہزار 411ٹن سیمنٹ فروخت کیا گیا ہے جبکہ گزشتہ مالی سال کے اسی عرصہ کے دوران فروخت کامجموعی حجم تین کروڑ 19لاکھ 582ٹن ریکارڈ کیا گیا تھا۔

وزیرِ اعظم محمد شہباز شریف سے چیئرمین مینجمنٹ کمیٹی پاکستان کرکٹ بورڈ نجم سیٹھی کی ملاقات