قومی ایئر لائن پی آئی اے کی جانب سے مسافروں کو پرواز سے پانچ گھنٹے قبل نیو اسلام آباد ایئرپورٹ پہنچنے کی ہدایت کردی گئی،، ایئرلائن کی انتظامیہ کی جانب سے مسافروں کےلیے خصوصی ہدایات نامہ جاری کیا گیا جس میں کہا گیا ہے کہ یہ فیصلہ ایئرپورٹ پرسیکیورٹی چیکنگ اور گاڑیوں کی لمبی قطاروں کے باعث کیا گیا ہے،پی آئی اے کے مطابق نیو اسلام آباد ایئرپورٹ کے داخلی پوائنٹس پر سخت سیکیورٹی چیکس کے نتیجے میں گاڑیوں کی لمبی قطاریں لگ جاتی ہیں جس کی وجہ سے مسافروں کو فلائٹ کے وقت سے 5 گھنٹے پہلے آنے کی ہدایت کی گئی ہے،