پاکستان کی ڈائمنڈ جوبلی پر لوگو ڈیزائن مقابلے کا اعلان، انعامی رقم 5 لاکھ روپے
اسلام آباد: پاکستان کی ڈائمنڈ جوبلی پر لوگو ڈیزائن مقابلے کا اعلان کردیا گیا، انعامی رقم 5 لاکھ روپے رکھی گئی ہے۔ سماجی رابطے کی ویب سائٹ ٹویٹر پر اپنی ٹویٹ میں وفاقی وزیر اطلاعات مریم اورنگزیب نے بتایا کہ حکومت پاکستان کی جانب سے پاکستان کے 75 ویں یوم آزادی (ڈائمنڈ جوبلی) کے موقع پر لوگو ڈیزائن مقابلے کا اعلان کیا گیا ہے، جب کہ لوگو ڈیزائن جیتنے والے خوش نصیب کو پانچ لاکھ روپے نقد انعام دیا جائے گا۔
