کراچی: احتجاج کرنے والے سرکاری ملازمین پر پولیس کا لاٹھی چارج، واٹر کینن کا بے دریغ استعمال ،خواتین سمیت 25 گرفتار
کراچی پولیس نے اپنے مطالبات کے کی منظوری کے لیے احتجاج کرنے والے سرکاری طبی ملازمین پر لاٹھی چارج اور واٹر کینن کا بے دریغ استعمال کرتے ہوئے 25 مظاہرین کو گرفتار کرلیا۔محکمہ صحت سندھ کے ملازمین کے مشترکہ پلیٹ فارم گرانڈ ہیلتھ الائنس کے احتجاج میں شریک مظاہرین نے حکومت کی طرف سے ہیلتھ رسک الاؤنس کو تنخواہ میں شامل نہ کرنے کے خلاف نماز جمعہ کے بعد وزیراعلیٰ ہاؤس کی طرف مارچ کرنے کا انتباہ کیا تھا جہاں سندھ پولیس نے انہیں روکنے کے لیے تشدد کرتے ہوئے ان پر واٹر کینن کا استعمال کیا۔ملازمین کا یہ الائنس پیر (7 نومبر) سے سندھ سیکریٹریٹ کے باہرمسلسل احتجاج کررہا ہے۔
