لاہور: پنجاب کابینہ میں 10 نئے وزراء شامل کرنے کی حتمی منظوری دے دی گئی، کابینہ میں 4 مشیر اور 5 معاونینِ خصوصی بھی شامل ہوں گے۔

Sep 11, 2018 | 08:59

وزیرِاعلیٰ پنجاب عثمان بزدار نے جمعہ کو 9 وزراء کے ناموں کی منظوری دی تھی اور اب مزید ایک وزیر کے نام کی منظوری بھی دی گئی ہے۔ گورنر پنجاب چوہدری سرور کل نئے وزراء، مشیروں اور معاونین خصوصی سے حلف لیں گے۔ سید سعید الحسن شاہ، مہر محمد اسلم بھروانہ، سید حسنین جہانیاں گردیزی، محمد اجمل، محمد اخلاق، آشفہ ریاض، شوکت لالیکا، زوار حسین وڑائچ اور اعجاز مسیح وزراء کی حیثیت سے حلف اٹھائیں گے۔ دوسری جانب عبدالحئی دستی، فیصل حیات جبوانہ اور محمد حنیف ایڈوائزر ہوں گے جبکہ رفاقت علی گیلانی، امیر محمد خان، خرم خان لغاری، عمر فاروق اور محمد سلمان خصوصی معاون ہوں گے۔ 10 نئے وزراء کی شمولیت کے بعد پنجاب کابینہ میں وزراء کی تعداد 33 ہوجائے گی۔

مزیدخبریں