پنجاب کےوزیراعلیٰ سردار عثمان بزدار نے کہا ہے کہ قائد اعظم محمد علی جناح کی ولولہ انگیز قیادت میں برصغیر کے مسلمانوں کےلئے آزاد وطن کا خواب شرمندہ تعبیر ہوا۔ آج (بدھ) اپنے ایک پیغام میں انہوں نے کہا کہ ہم آج ایک آزاد قوم کی حیثیت سے زندگی بسر کررہے ہیں کیونکہ قائداعظم محمد علی جناح ایک اصول پسند اورجراتمند رہنما تھے۔ انہوں نے کہاکہ قائدا عظم کا اتحاد، ایمان اور تنظیم کا نصب العین ملک کی ترقی اور خوشحالی کا ضامن ہے اور پاکستان ان کے سنہری اصولوں پر عمل پیرا ہوکر تمام بحرانوں سے نجات حاصل کرسکتا ہے۔