متحدہ عرب امارات حکومت کا ہفتہ کو شب معراج کے موقع پر عام تعطیل کا اعلان
متحدہ عرب امارات حکومت نے ہفتہ کو شب معراج کے موقع پر عام تعطیل کا اعلان کیا ہے۔ تاہم اگلے روز اتوار 15 اپریل کو مملکت میں کام روزمرہ معمولات کے مطابق جاری رہے گا۔میڈیا رپورٹس کے مطابق متحدہ عرب امارات میں 14 اپریل بروز ہفتہ کو کو شب معراج کے موقع پر عام تعطیل کا اعلان کیا ہے، یہ اعلان متحدہ امارات کی منسٹری آف ہیومن ریسورس کی جانب نے کیا ، اس حوالے سے ایک آفیشل سر کلر فیڈرل لا نمبر 11، 2008 کے تحت جاری کیا گیا جو ملک میں وفاقی وزارتوں کے ماتحت اداروں میں عام تعطیلات کی آئینی توضیح ہے۔شب معراج رحمتوں کے نزول کی وہ رات ہے جب سرکار دوعالم محمد مصطفی ۖ سفر معراج پر تشریف لے کر گئے اور آسمانوں میں اللہ پاک سے ملاقات کا شرف حاصل کیا جہاں 5 وقت کی نماز کا تحفہ بھی عطا کیا گیا، اسکے بعد آپۖ کو معجزانہ طور پر قبلہ اول، مسجد اقصی (بیت المقدس)بھی لے جایا گیا جہاں آپۖ نے تمام انبیا ئے کرام کی با جماعت نماز کی امامت کروائی۔