اسرائیلی بحریہ کی غزہ کی سمندری حدود میں ماہی گیروں پر فائرنگ
اسلحے سے لیس اسرائیلی کشتیوں نے جمعرات کے روز شہر کے ساحل پر فلسطینی ماہی گیروں اور ان کی کشتیوں پر فائرنگ کی۔ غیرملکی خبررساں کے مطابق اسرائیلی بحری فوج نے غزہ کے شمال مغربی علاقے آل السودانی کے ساحل پر ساتھ تین سمندری میل کے علاقے میں موجودگی کے دوران فلسطینی ماہی گیروں اور ان کی کشتیوں پر براہ راست فائرنگ کی اور واٹر گنز کا استعمال کیا۔اس حملے نے فلسطینی ماہی گیروں کو اپنی پناہ گاہوں میں واپس لوٹنے پر مجبور کر دیا۔ غزہ میں ماہی گیری کے لیے سمندری حدود میں وسعت دینے سے متعلق حالیہ اسرائیلی فیصلے کے باوجود اسرائیلی بحری افواج فلسطینی ماہی گیروں کو ہراساں کرتی رہتی ہیں۔