انسٹاگرام کا واٹس ایپ کی طرح نیا زبردست فیچر متعارف
انسٹا گرام نے صارفین کے لیے واٹس ایپ کی طرح آڈیو پیغام ’وائس میسج‘ کی سہولت متعارف کرادی۔مختلف ٹیکنالوجی ویب سائٹس کے مطابق انسٹا گرام نے چیٹ باکس میں ’مائیکرو فون‘ کا بٹن شامل کیا ہے جسے دبا کر آڈیو پیغام ریکارڈ کیا جاسکتا ہے اور جیسے ہی بٹن سے ہاتھ ہٹائیں گے تو ازخود ’وائس میسج‘ سینڈ ہو جائے گا۔وائس میسج بھیجنے کے بعد یہ چیٹ باکس میں موجود رہے گا چاہے وصول کرنے والا صارف اسے سنے یا نہ سنے جب کہ ایک بار میسج سننے کی صورت میں بھی اسے دوبارہ سنا جاسکتا ہے۔