وزیر ریلوے شیخ رشیدنے سانحہ تیزگام میں شارٹ سرکٹ سے آگ لگنے کی رپورٹ مستردکردی اور کہا یہ واضح نہیں کہ آگ پہلے لگی یا سلنڈر پہلے پھٹا، دوبارہ تحقیقات کرکے رپورٹ مرتب کی جائے۔تفصیلات کے مطابق وزیر ریلوے شیخ رشیدنے سانحہ تیزگام میں شارٹ سرکٹ سے آگ لگنے کی رپورٹ مستردکردی اور رپورٹ دوبارہ مرتب کرنے کا حکم دیتے ہوئے کہا یہ واضح نہیں کہ آگ پہلے لگی یا سلنڈر پہلے پھٹا۔شیخ رشید کا کہنا تھا کہ 4 اسسٹنٹ منیجرزکو دوبارہ تحقیقات کیلئے کہا ہے، نئی تحقیقات میں طے کیا جائے گا کہ آگ پہلے لگی یا سلنڈر پہلے پھٹا۔وزیر ریلوے نے کہا کہ سپریم کورٹ کا شکریہ ادا کرتا ہوں کہ کراچی سرکلرریلوےپرایکشن لیا، ریلوے سے متعلق کی پہلی رپورٹ27 نومبر کو جمع کرائی تھی، ایم ایل ون منصوبے پر بھی اسد عمر اور سپریم کورٹ کا شکریہ اداکرتاہوں، سپریم کورٹ کی وجہ سے آج ٹینڈر جاری ہونے کی تاریخیں آگئی ہیں۔ان کا کہنا تھا کہ پہلے ریلوے کا کوئی بزنس پلان نہیں تھا اب بزنس پلان آگیا ہے، کراچی سرکلر ریلوے سےمتعلق رات کو بھی آپریشن کئے ہیں، سرکلر ریلوے کا سارا ٹریک خالی کرائیں گے۔شیخ رشید نے مزید کہا کہ سندھ حکومت اور ہم ایک ہی پیج پر ہیں، کراچی سرکلر ریلوے کےتھوڑےٹریک پر مزاحمت کا سامنااب بھی ہے ، سپریم کورٹ ایک بار لاٹھی چارج کرتی ہے تو سارا نتیجہ نکل آتا ہے۔

سابق وفاقی وزیر و سینئر رہنما پاکستان مسلم لیگ مونس الٰہی کا حمزہ شہباز کی پریس کانفرنس پر ردعمل