وزیراعلیٰ پنجاب عثمان بزدار کی معاون خصوصی برائے اطلاعات فردوس عاشق اعوان کو بھی پی ایس ایل کا ترانہ پسند نہ آیا۔ پی ایس ایل کا آفیشل ترانہ کچھ روز قبل جاری کیا گیا تھا جس کے بعد اس گانے کے حوالے سے سوشل میڈیا پر میمز کا طوفان برپا ہو گیا تھا اور صارفین کی بڑی تعداد نے پی ایس ایل کے آفیشل ترانے پر ناپسندیدگی کا اظہار کیا تھا۔ قومی ٹیم کے سابق فاسٹ بولر شعیب اختر نے بھی اس حوالے سے اپنے بیان میں کہا تھا کہ اتنا برا گانا ہے کہ جب بچوں کو سنایا تو وہ ڈر گئے۔