گریڈ ایک سے 19 تک کے وفاقی ملازمین کی تنخواہوں میں اضافہ کردیا، شیخ رشید
وفاقی وزیرداخلہ شیخ رشید احمد نے کہا ہے کہ الحمد اللہ گریڈ ایک سے 19تک کے وفاقی سرکاری ملازمین کی تنخواہوں میں اضافہ کردیا گیا ہے۔وفاقی وزیرداخلہ شیخ رشید نے ویڈیو پیغام میں کہا کہ صوبائی حکومت کو بھی ہدایت کی ہے کہ ہماری ہدایت پرعمل کی کوشش کریں۔شیخ رشید نے کہا کہ پمزکے ڈاکٹرز کے ساتھ بھی معاملات خوش اسلوبی سے طے پاگئے ہیں جبکہ ٹی ایل پی کے ساتھ بھی معاملہ طے پاگیا ہے۔وزیرداخلہ شیخ رشید نے کہا کہ پی ڈی ایم نے پوری کوشش کی وہ سرکاری ملازمین کومشتعل کرسکے، پی ڈی ایم اس میں بری طرح ناکام رہی۔وزیراعظم نے نالہ لئی کے لئے بھی 70ارب روپے کے فنڈ جاری کرنے کا حکم دیا ہے، نالہ لئی منصوبے کو دوسال میں مکمل کیا جائے گا۔
