پیپلز پارٹی نے سینیٹ الیکشن  کے شیڈول پر تحفظات کا اظہار کردیا۔ الیکشن کمیشن کو خط لکھ دیا گیا ۔جاری بیان کے مطابق سوال اٹھا گیا ہے کہ  دو روز میں امیدواروں کی جانچ پڑتال، بینک اکاؤنٹس سمیت دیگر امور طے کئے جاسکتے ہیں؟ پاکستان پیپلز پارٹی نے  خط  میں کہا ہے کہ الیکشن کمیشن نے سینیٹ الیکشن کے لئے کاغذات نامزدگی کے لیے صرف دو دن کا وقت دیا۔پی پی جیسی وفاقی جماعت کے لیے اتنے کم وقت میں امیدواروں کی فہرست کو حتمی شکل دینا مشکل ہے۔ امیدواروں کے انٹرویو ،سکروٹنی دیگر عوامل شامل ہے، جس کے لئے پارلیمانی بورڈ کو وقت درکار ہے  تمام امیدوار پارٹی قیادت اور پارلیمانی بورڈ کے سامنے کیس رکھنے کے خواہاں ہیں۔شیڈول کے اجرا سے قبل امیدواروں کے انٹرویوز نہیں ہوسکتے جو لائق تحسین نہیں ۔دو روز میں تمام امور کی انجام دہی ممکن نہیں ۔عالمی انسداد منی لانڈرنگ کی وجہ سے بینک اکاؤنٹس کی بھی پیچیدگیاں ہیں۔ ایک یا دو روز میں بینک اکانٹس کھلوانا بھی ممکن نہیں ۔امیدواروں کو تمام امور مکمل نہ کرنے کی وجہ سے الیکشن سے باہر ہونے کے خدشات ہیں۔چیف الیکشن کمشنر سے استدعا ہے کہ معاملے کو دیکھتے ہوئے مناسب اقدامات اٹھائے جائیں۔

محکمہ تعلیم سندھ نے موسم سرما کی تعطیلات کا اعلان کر دیا