محکمہ موسمیات نے ملک کے بالائی اور وسطی علاقوں میں سردی کی شدید لہر مزید چند روز جاری رہنے کی پیش گوئی کی ہے جبکہ آئندہ چوبیس گھنٹوں کے دوران بیشتر علاقوں میں موسم خشک رہے گا اور پنجاب اور خیبر پختونخوا کے میدانی علاقوں میں صبح کے اوقات میں دھند چھائے رہنے کا امکان ہے ۔گزشتہ چوبیس گھنٹوں کے دوران ملک کے زیادہ تر علاقوں میںموسم سرد اور خشک رہا۔ آج ملک میں کم سے کم درجہ حرارت کالام میں منفی پندرہ ڈگری سینٹی گریڈ رہا جبکہ سکردو منفی تیرہ، پاراچنار اور استور منفی گیارہ، گلگت منفی سات، کوئٹہ اور مری منفی پانچ، اسلام آباد منفی دو، لاہور اور مظفرآباد ایک، ملتان چار، کراچی بارہ، پشاور صفر اور فیصل آباد میں دو ڈگری سینٹی گریڈ ریکارڈ کیا گیا۔