کراچی:شرافی گوٹھ میں پولیس اوررینجرزکی مشترکہ کارروائی‘ 4 ملزمان گرفتار
کراچی : شہر قائد میں پولیس اور رینجرز نے مشترکہ کارروائی کے دوران 4 ملزمان کو گرفتار کرکے اسلحہ برآمد کرلیا تفصیلات کے مطابق کراچی کے علاقے شرافی گوٹھ میں پولیس اور رینجرز نے مشترکہ کارروائی کرتے ہوئے 4 ملزمان کو گرفتار کرلیا گیا۔ ایس ایس پی ملیر کے مطابق حراست میں لیے گئے ملزمان سے دستی بم اور اسلحہ بمع گولیاں برآمد ہوئیں جبکہ فائرنگ کے تبادلے میں گولیاں پولیس موبائل کوبھی لگیں۔ ایس ایس پی کا کہنا ہے کہ ملزمان سنگین نوعیت کے مقدمات میں مطلوب تھے، ملزم سلیم، کامران، اقبال اور ناظم سے تفتیش جاری ہے۔ دوسری جانب کراچی کے علاقے کورنگی انڈسٹریل ایریا میں پولیس نے کارروائی کرتے ہوئے موٹرسائیکل لفٹرسمیت 2 ملزمان کو گرفتارکرلیا۔ ادھر کھوکراپار میں پولیس نے کارروائی کے دوران 2 ملزمان محمد شاہد اور سید دانش کو گرفتار کرکے منشیات برآمد کرلی۔