ایران اور مشرقِ وسطیٰ پر عالمی کانفرنس کی میزبانی امریکا کرے گا
امریکا آئندہ ماہ پولینڈ میں ایک بین الاقوامی سربراہی کانفرنس کی میزبانی کرے گا۔ امریکی وزیر خارجہ مائیک پومپیو نے کو فاکس نیوز کو بتایا کہ اس کانفرنس میں مشرق وسطیٰ میں استحکام، امن اور آزادی پر توجہ مرکوز کرنے کے علاوہ ایرانی اثر و رسوخ کی صورت حال کو بھی زیر بحث لایا جائے گا۔انہوں نے کہا کہ یہکانفرنس 13 اور 14 فروری کو پولینڈ کے دارالحکومت وارسا میں منعقد ہو گی۔ امریکی وزارت خارجہ کے مطابق کانفرنس میں دہشت گردی، انتہاءپسندی، سمندری نگرانی، مختلف ممالک کے نمائندہ گروپوں سے جنم لینے والے خطرات اور سکیورٹی جیسے موضوعات پر بھی بات ہو گی۔