ہیکنگ کا الزام: امریکا نے مزید روسی اداروں کے خلاف پابندیاں عائد کر دیں
امریکی محکمہ خزانہ نےروس کے مزید 5 اداروں اور3 شہریوں کے خلاف پابندیاں عائد کر دیں۔جرمن نشریاتی ادارے کے مطابق واشنگٹن میں وزارت خزانہ نے بیان میں کہا ہے کہ ان پابندیوں سے متاثرہ روسی اداروں اور شہریوں کے خلاف یہ اقدامات اس لئے کئے گئے کہ وہ بالواسطہ طور پر ہیکنگ کے مرتکب ہوئے تھے۔ ان افراد اور اداروں نے اپنی سائبر سرگرمیوں اور تکنیکی مدد کے ساتھ روسی خفیہ سروس کی معاونت کی تھی، جو ہیکنگ کی مرتکب ہوئی تھی۔ بیان کے مطابق ان اقدامات سے امریکا اور اس کے اتحادیوں کی سلامتی کو خطرے میں ڈال دیا گیا تھا۔